-
“ფოტოჟურნალისტიკა”
19.00 ₾წიგნი მათთვისაა, ვისაც ცხოვრებაში ერთხელ მაინც სჭერია ფოტოაპარატი და კარგი კადრის გადაღება უცდია, ვისთვისაც ფოტოგრაფია ჰობია, ვინც პროფესიონალი ფოტოგრაფი, ფოტორეპორტიორი, ფოტოდოკუმენტალისტი, რომლისთვისაც ღირებული კადრის მოპოვება სიცოცხლის საპირწონეც შეიძლება იყოს. განსაკუთრებით კი წიგნი მათთვისაა, ვისაც სურს, რაც შეიძლება მეტი იცოდეს არა მხოლოდ ფოტოგრაფიის ისტორიის შესახებ, არამედ იმ დაწერილ თუ ნაგულისხმევ კანონებზე, რომელთა შესისხლხორცება კამერიანი პიროვნებისთვის ბუნებრივი პროცესია; მით უფრო მაშინ, თუ ვიღებთ ადამიანებს და იმ გარემოს, სადაც ისინი ცხოვრობენ, სწავლობენ, აცხადებენ პროტესტს, ისვენებენ, იძლევიან ინტერვიუს, იბრძვიან არსებობისთვის, რგავენ ხეებს, აჩენენ ბავშვებს და სხვა.
-
აგიოგრაფია
25.00 ₾წიგნში შესწავლილია აგიოგრაფიის სპეციფიკა, მისი როლი და ადგილი ქართულ სულიერ კულტურაში; IV-XI საუკუნეების ქართული აგიოგრაფიული ლიტერატურის ძეგლები გაანალიზებულია რელიგიურ-დოგმატური და მხატვრულ-ესთეტიკური ასპექტებით.
ეს წიგნი გამიზნულია ჰუმანიტარულ მეცნიერებათა ფაკულტეტების, სასულიერო სემინარია-აკადემიების სტუდენტების, მასწავლებლების, მკვლევრებისა და ქართული საეკლესიო მწერლობით დაინტერესებულ მკითხველთა ფართო წრისათვის.
-
აქტივოებები საბავშვო ბაღებში აღსაზრდელებისათვის
20.00 ₾მუსიკალურ-რიტმული “აქტივოებები” საბავშვო ბაღებში აღსაზრდელებისათვის
-
ბიოლოგია / სავარჯიშოების კრებული საბაზო და საშუალო საფეხურის მოსწავლეთათვის
17.50 ₾წინამდებარე სავარჯიშოების კრებული განკუთვნილია საბაზო და საშუალო საფეხურის მოსწავლეთათვის. ის წარმოადგენს ეროვნული სასწავლო გეგმით გათვალისწინებულ პროგრამულ საკითხებზე მორგებულ სავარჯიშოების კრებულს და მოიცავს ბიოლოგიის ორ ძირითად თავს: ციტოლოგიასა და ანატომიას. მოცემული სავარჯიშოები საინტერესო და სახალისოა. ის შეესაბამება მოსწავლეთა ასაკობრივ თავისებურებებს. კრებულში არსებული სავარჯიშოები ხელს შეუწყობს როგორც მოსწავლეთა მოტივაციასა და ცოდნის შეძენა-განვითარებას, ასევე საგნისადმი მეტ ინტერესსა და ათვისებული მასალის განმტკიცებას. სავარჯიშოების შესრულება ავითარებს სხვადასხვა უნარ-ჩვევებს, როგორიცაა: დაკვირვება, ორგანიზება, ანალიზი, მიზეზ-შედეგობრივი კავშირების დადგენა და სხვა. -
ბლოკჩეინი – პრინციპები და საფუძვლები
19.00 ₾იცით თუ არა რა არის ბლოკჩეინი?
გასაგებად და საინტერესოდ ენით ახსნილი ციფრულ ვალუტის სამყარო ალექსანდრე ციხილოვის წიგნში „ბლოკჩეინი — პრინციპები და საფუძვლები“ (Alexander Tsikhilov. Blockchain — principles and fundamentals)
-
გერმანულ-ქართული სამედიცინო ლექსიკონი
10.00 ₾წინამდებარე გერმანულ-ქართული სამედიცინო მცირე ლექსიკონი შეიცავს დაახლოებით 6100 სიტყვას. ლექსიკონი გამოადგება სამედიცინო სფეროში მომუშავე სპეციალისტებს, სამედიცინო დარგის სტუდენტებსა და ასპირანტებს, ასევე შესაბამისი ლიტერატურის მთარგმნელებს.
-
ეკონომიკის პრიციპები
სახელმძღვანელო ეკონომიკურ თეორიაში ორ ნაწილად: მიკროეკონომიკა და მაკროეკონომიკა – უმაღლესი სასწავლებლების სტუდენტებისა და გამოცდილი სპეციალისტებისათვის. სახელმძღვანელო განკუთვნილია ეკონომიკური თეორიის შესასწავლად, თუმცა, ავტორების აზრით, ეკონომიკის ძირეულად დაუფლების მოსურნე ადამიანებისათვის ძირითად გზამკვლევად კვლავინდებურად ეკონომიკური მეცნიერების გამოჩენილი წარმომადგენლების (კლასიკოსების) იდეური მემკვიდრეობა, ასევე პოლ სამუელსონის „ეკონომიკის“ ორტომეული, გრეგორი მენქიუს „ეკონომიკის პრინციპები“ და ზოგიერთი სხვა სახელმძღვანელო რჩება. წინამდებარე წიგნი კი სწორედ მათზე დაყრდნობით და საქართველოს წამყვან უმაღლეს სასწავლებლებში გამოყენებული პროგრამების მოთხოვნების შესაბამისად არის დაწერილი. მისი შინაარსის გადმოცემისას ავტორები ხშირად მიმართავენ საქართველოს ეკონომიკის განვითარების პრობლემებს (ზოგჯერ მათი მოგვარების წინადადებებსაც სთავაზობენ), განიხილავენ საკამათო საკითხებს და იწვევენ მკითხველებს ამაში მონაწილეობის მისაღებად, ფართოდ იყენებენ სასწავლო დავალებებს და სავარჯიშო ტესტებს (ზოგიერთ თემას დართული აქვს დამატებითი კითხვის მასალა). ისინი იმედოვნებენ, რომ სახელმძღვანელოს ასეთი ხასიათი დაეხმარება ამ დისციპლინის დაუფლების მოსურნე სტუდენტ ახალგაზრდობას, ასევე იმათ, ვინც ამ „ამაღელვებელი სამყაროს“ (პ. სამუელსონი) შესახებ ცოდნის გაღრმავებას ესწრაფვის.
-
კლასის მართვა საბაზო და საშუალო საფეხურის მასწავლებლებისთვის
14.00 ₾წინამდებარე წიგნი წარმოადგენს სახელმძღვანელოს, რომელიც მიზნად ისახავს კლასის მართვის ამომწურავი გეგმის შექმნასა და შენარჩუნებას. პირველი ეტაპის სამუშაოების შესრულება გარკვეულ დროსა და ძალისხმევას მოითხოვს, მაგრამ სასწავლო წლის შემდგომ ეტაპზე ამას მნიშვნელოვანი წარმატებები მოჰყვება, ვინაიდან გაიზრდება მოსწავლეთა ჩართულობა სწავლის პროცესში და გაძლიერდება თანამშრომლობა. კლასის კარგად მართვის გეგმა ასევე საშუალებას მოგცემთ, რომ მეტი დრო დაუთმოთ სწავლების პროცესს, მოსწავლეებს კი უკეთესი გარემო შეუქმნათ სწავლისთვის.
-
ჟურნალისტის გზამკვლევი სოციალური საკითხების გაშუქებაში
15.00 ₾ოლიკო ცისკარიშვილის წიგნი – ჟურნალისტის გზამკვლევი სოციალური საკითხების გაშუქებაში – სასარგებლოა არა მხოლოდ ჟურნალისტიკის 2 სპეციალობის სტუდენტებისა და პრაქტიკოსი ჟურნალისტებისათვის, არამედ ნებისმიერი ადამიანისათვის, ვინც დაინტერესებულია საქართველოს რეალობაში სოციალური საკითხების შესწავლითა და გაშუქებით. წიგნში თავმოყრილია ავტორის მრავალწლიანი ჟურნალისტური და პედაგოგიური გამოცდილება და ზუსტად ამ გამოცდილების საფუძველზე ფორმულირებულია ის სასარგებლო რეკომენდაციები, რაც სოციალური საკითხებზე მომუშავე ჟურნალისტმა უნდა გაითვალისწინოს.
-
სკოლამდელი განათლების პედაგოგთა უნარ-ჩვევები
35.00 ₾კეთილი იყოს თქვენი მობრძანება ადრეული ასაკის ბავშვთა განათლების საინტერესო სამყაროში. მიუხედავად იმისა, სტუდენტი ხართ, პედაგოგი, პედაგოგის ასისტენტი თუ მოხალისე, თქვენ აღმოაჩენთ, რომ სკოლამდელი განათლება არის სწრაფად განვითარებადი სფერო, რომელიც გთავაზობთ მომხიბვლელ ახალგაზრდებთან, 3 დან 5 წლამდე ასაკის ბავშვებთან მუშაობის შეუზღუდავ შესაძლებლობებს. ტრენინგი და კვალიფიკაციის დამადასტურებელი დოკუმენტები, რომლებიც შესაძლოა დაგჭირდეთ ამ სფეროში მუშაობის დასაწყებად, აღწერილია მე -13 თავში – პროფესიონალიზმის წახალისება. სკოლამდელი ასაკის ბავშვთა აღზრდის სპეციალისტის (CDA) ტრენინგის შესახებ ინფორმაცია შეგიძლიათ იხილოთ დანართში A.
-
სცენარები ( წიგნი I)
15.00 ₾“სცენარები სკოლის დაწყებითი კლასებისა და საბავშვო ბაღების ზეიმებისთვის”, თანდართული სანოტო მასალით, არის სრულიად ახალი პროდუქტი, რომელიც, იმედი გვაქვს, სულ სხვა ჭრილში დაგანახებთ ამა თუ იმ ღონისძიების მნიშვნელობას ბავშვებისთვის, პრიორიტეტული უნარების სწორად გახსნის საქმეში.
-
სცენარები ( წიგნი II)
15.00 ₾“სცენარები სკოლის დაწყებითი კლასებისა და საბავშვო ბაღების ზეიმებისთვის”, თანდართული სანოტო მასალით, არის სრულიად ახალი პროდუქტი, რომელიც, იმედი გვაქვს, სულ სხვა ჭრილში დაგანახებთ ამა თუ იმ ღონისძიების მნიშვნელობას ბავშვებისთვის, პრიორიტეტული უნარების სწორად გახსნის საქმეში.
-
-
ფრაზული ზმნების, იდიომებისა და ანდაზების კრებული
13.50 ₾კრებული შედგენილია Destination B2-ის მიხედვით და წარმოადგენს პრაქტიკულ სახელმძღვანელოს იმ პირთათვის, ვისაც სურს აღნიშნული წიგნის ფარგლებში შესწავლილი ფრაზული ზმნები, დერივაციები და სიტყვათა შეთანხმებები გამოიყენოს საუბარში.
-
ქართული ენა და ლიტერატურა 1-6 კლ. მასწავლებლებისათვის
12.00 ₾წიგნი დაეხმარება 1-6 კლ. ქართული ენის და ლიტერატურის მასწავლებლებს რათა წარმატებით ჩააბარონ მასწავლებელთა კომპეტენციის დადასტურების გამოცდები.შედგენილია 2019 წ. პროგრამის მიხედვით.
-
შეამოწმე შენი ცოდნა მათემატიკაში
15.00 ₾უკანასკნელ პერიოდში მომრავლდა მათემატიკაში ეროვნული გამოცდისთვის მოსამზადებელი ლიტერატურა, რომელიც წარმატებით გამოიყენება სკოლაში სწავლებისას და კერძო პრაქტიკაშიც. თუმცა, მეცადინეობის ყველა ეტაპზე პრობლემად რჩება მოსწავლის ცოდნის დონის შეფასება; ეს საკითხი კი მნიშვნელოვანია როგორც მშობლებისთვის, ასევე მოსწავლეებისა და პედაგოგებისთვისაც სასწავლო პროცესის სწორად დაგეგმვა-წარმართვისთვის. გთავაზობთ მათემატიკაში ცოდნის დონის განმსაზღვრელი ტესტების კრებულს. კრებულის პირველ ნაწილს წარმოადგენს ერთიანი ეროვნული გამოცდების მათემატიკის პროგრამის მიხედვით შედგენილი თემატური ტესტები; თითოეულ თემაზე მოცემულია სამი დონის ტესტი: A — ელემენტარული; B — დამაკმაყოფილებელი; C — საფუძვლიანი. ამ ტესტების საშუალებით მოსწავლეს შეუძლია დაადგინოს საკუთარი ცოდნის ხარვეზები და აღმოფხვრას ისინი სასწავლო ლიტერატურის დახმარებით (იხილეთ მითითებული ლიტერატურა). კრებულის მეორე ნაწილში გთავაზობთ მისაღები გამოცდების ვარიანტებთან მიახლოებულ საკონტროლო ტესტებს — მათი გამოყენება მიზანშეწონილია მომზადების დასკვნით ეტაპზე, როცა გავლილია პროგრამის ყველა თემა. თითქმის ყველა წარმოდგენილი ამოცანა ორიგინალურია და არ არის გამოყენებული სხვა ბეჭდვით გამოცემებში. ყველა ტესტს ახლავს პასუხები და, საჭიროების შემთხვევაში, მითითებებიც. იმედია, კრებულით სარგებლობა ხელს შეუწყობს თქვენს წარმატებას.
კეთილი სურვილებით,
ია მებონია
ნინო ჭელიძე -
ჩვენი ტყისა და მინდვრის ყვავილები, ხეები და ბუჩქები
20.00 ₾საზოგადოება კარგად იცნობს პროფესორ ალექსანდრე მაყაშვილის ნაშრომებს – „ჩვენი ტყისა და მინდვრის ყვავილები“ და „ჩვენი ხეები და ბუჩქები“. ორივე მონოგრაფია სამაგიდო წიგნია არა მარტო ბოტანიკოსების, არამედ სხვა დარგების სპეციალისტებისთვისაც. პირველი გამოცემის შემდეგ, გასული საუკუნის ორმოცდაათიან – სამოციან წლებში, ეს მონოგრაფიები არ განახლებულა და ბიბლიოგრაფიულ იშვიათობად იქცა. ამდენად მათი ახალად გამოცემა საშურ საქმედ მივიჩნიეთ. წინამდებარე წიგნი წარმოადგენს ხსენებული მონოგრაფიების კრებულს.
