-
ანბანური ტყის ზღაპრები
ეს წიგნი პირველი კლასელებისთვის, მათი მშობლებისა და მასწავლებლებისთვის არის განკუთვნილი. გინდათ თქვენმა შვილმა სიხარულით ისწავლოს ანბანი? გსურთ პატარებს ურთულესი სწავლის გზა გაუფერადოთ და გაუხალისოთ? მათთან ერთად იმოგზაურეთ ტყის ანბანურ ზღაპრებში, გაიცანით სასაცილო და მხიარული ტყის ბინადრები, პატარებთან ერთად აფერადეთ სოფოს არაჩვეულებრივი ნახატები, გამოიცანით გამოცანები, ითამაშეთ სიტყვობანა. ასწავლეთ, იმხიარულეთ და ისწავლეთ. გისურვებთ წარმატებას, ბავშვებო, მშობლებო, მასწავლებლებო. თქვენი ქეთი მუჯირი.
-
გოგონა, რომელსაც წიგნების გადარჩენა სურდა
იცი, რა ემართება წიგნებს, რომლებიც ბიბლიოთეკიდან არავის გააქვს? კლაუს ჰაგერუპი სწორედ ასეთი წიგნების ბედისა და იმ პატარა გოგონას შესახებ მოგითხრობთ, რომელსაც ძალიან უყვარს კითხვა. ეს არაჩვეულებრივი და, ამავე დროს, ყველაზე ჩვეულებრივი ამბავი კეთილი დასასრულით არავის დატოვებს გულგრილს.
-
მხიარული ოჯახი… და სხვებიც
გაიცანი დუდო და მისი ოჯახი. კატებიანი დირექტორი და უუმკაცრესი მერი მასწი, ექს-ცენ-ტრი-კული წითელბანტა და სიმონზე შეყვარებული ნორა, ტარტალინა კუზინე თხიან-ჩემოდნიან-ჩიტებიანად, ბაყაყი კუანა (აჰ, უკაცრავად, კუაკუა) და სხვები. ჰო, და კიდევ ჯადოქარი პოსი, რომელიც ერთხელ ისე გაბოროტდა, რომ… მოკლედ, წაიკითხეთ წიგნი ბავშვებმაც და დიდებმაც და მოგვწერეთ 🙂
-
ჟიჟი და ნაპოლეო
გაიცანით განუყრელი მეგობრები – ჟირაფი ჟიჟი და ძაღლი ნაპოლეო. ისინი ერთად მოგზაურობენ და გულდასმით აკვირდებიან ბუნებას, სამყაროს, ადამიანებს… მათ მახვილ თვალს არაფერი გამოეპარება. ეს წიგნი მათი ერთ-ერთი მოგზაურობის შესახებ გვიამბობს.
-
სახალისო ანბან-ლექსები, სხვადასხვა აქტივობებით, ავტორის ილუსტრაციებით
ლელა ცუცქირიძის სახალისო ანბან-ლექსები (სხვადასხვა აქტივობებით)
ამ წიგნში ყველაფერია პატარების კოგნიტური უნარებისა და ნატიფი მოტორიკის გასავითარებლად:
— სახალისო ლექსები,
— ლაბირინთები,
— განსხვავებები,
— წერტილოვანი გასაფერადებლები
— და სხვ.
წიგნი მხოლოდ იმ ბავშვებისთვის არაა, ვინც ანბანს სწავლობს. ის მათთვისაცაა, ვისაც თავსატეხები, ან უბრალოდ, გაფერადება უყვარს. ხოლო თუ წიგნს პატარებთან ერთად დიდებიც წაიკითხავთ და გააფერადებთ, გვერწმუნეთ, ეს ყველაზე კარგი და სასარგებლო აქტივობა იქნება თქვენი შვილებისთვის.
-
სახალისო რითმოცანები ცხოველებზე და ფრინველებზე
“სახალისო რითმოცანები ცხოველებზე და ფრინველებზე” გამოიცანი და გააფერადე