5.00 ₾
მონიკა ყოლბაია დაიბადა 1993 წლის 29 დეკემბერს ზუგდიდში. ცხოვრობდა აფხაზეთში, დაამთავრა ჭუბურხინჯის მეორე საშუალო სკოლა. 2011 წელს ჩაირიცხა „კავკასიის საერთაშორისო უნივერსიტეტში“. პროფესიით ჟურნალისტია. ამჟამად ცხოვრობს გერმანიაში. „ავადმყოფი კენგურუ“ მისი პირველი ნაწარმოებია.
| ავტორი | |
|---|---|
| გამომცემლობა | |
| გამოცემის წელი | |
| ენა | |
| ფორმატი | |
| გვერდები | 95 |
| ISBN - 13 | 978-9941-9530-3-3 |
სიმონე ლაპერტი დაიბადა 1985 წელს აარაუში, შვეიცარიაში. სწავლობდა ბილის შვეიცარიული ლიტერატურის ინსტიტუტში. ცხოვრობს და მოღვაწეობს ციურიხში. მისი რომანი „ნახტომი“ 2019 წელს დაიბეჭდა და წარდგენილი იყო შვეიცარიული წიგნის პრემიაზე.
სიმონე ლაპერტი რომანში „ნახტომი“ ემოციურად და იუმორით გვიყვება გერმანიის პატარა ქალაქში მცხოვრები ადამიანების ხან მხიარულ და ხან სევდიან ისტორიებს, მათი შინაგანი სამყაროსა და გრძნობების შესახებ.
ქალაქში სამშაბათის დილაა. მებაღის ტანსაცმელში გამოწყობილი ახალგაზრდა ქალი, მანუ, სახლის სახურავზე დგას და ქვემოთ იყურება, ყვირის, სამუშაო იარაღებსა და კრამიტებს ისვრის ქუჩაში. მობილიზებულია პოლიცია, სახანძრო, პრესა. მოედანზე შეკრებილი უამრავი ცნობისმოყვარე ადამიანი მოვლენების განვითარებას ადევნებს თვალს. ნეტავ რაშია საქმე? გადმოხტება ქალი?
„ერთ მშვენიერ დღეს, 20-წლიანი ემიგრაციის შემდეგ, ავიხდინე დიდი ხნის ოცნება და დავუბრუნდი ჩემს მშობლიურ თბილისს. საქართველოში ცხოვრება იმდენად საინტერესო გამოდგა ჩემთვის, რომ დავიწყე თავისუფალ დროს ჩანაწერების გაკეთება. საინტერესო იმიტომ, რომ მომეცა შედარების უნარი სხვა ქვეყანასთან და თითქოს ახლიდან აღმოვაჩინე ჩემი ქვეყანა და ჩემი ხალხი. ამ წიგნში არაფერი გამოგონილი არ არის. უბრალოდ, ზოგან სახელებია შეცვლილი, გასაგები მიზეზების გამო. ხოლო ზოგან არც სახელები შევცვალე. ამდენად, შევეცადე, მკითხველისათვის მიმეწოდებინა ის რეალობა, რაც ჩვენ ირგვლივ ხდება ყოველდღიურ ცხოვრებაში, თითქოს ბანალური, მაგრამ, ვფიქრობ, საინტერესოც.” ვანო ოსკოპელი
„საგალობელნი სიყვარულისა“ უთუოდ გამორჩეული რომანია ფრანგი მწერლისა და მსახიობის, ანა ვიაზემსკის შემოქმედებაში. ნაწარმოებმა გამოქვეყნებისთანავე მიიპყრო კრიტიკოსების ყურადღება და რამდენიმე პრესტიჟული ლიტერატურული ჯილდოც დაიმსახურა. გამოცემისთანავე აღიარეს შედევრად. ფრანგმა რეჟისორმა, ჟან-პოლ სივეირაკმა, წიგნის მიხედვით გადაიღო ფილმი, რომელსაც ჟან ვიგოს სახელობის პრემია გადაეცა.
ალბათ, ესაა რომანი, ყველაზე კარგად რომ დაგვანახებს მწერლის შინაგან სამყაროს და ნათელს მოჰფენს მის ცხოვრებას. რომანს უწყვეტ რეფრენად გასდევს ცნობილი ფრანგი მომღერლის, ედით პიაფის ლეგენდარული სიმღერა, „საგალობელი სიყვარულისა“. პიაფმა, ამ გოგონა-ბეღურამ, ერთი საგალობელი უძღვნა ამ დიად გრძნობას, ანა ვიაზემსკიმ და მისმა მშობლებმა – მრავალი. ამიტომაც უწოდა „საგალობელნი“.
ნაიელ გრიფიტსი (დაიბადა 1966 წელს) – უელსელი მწერალი. ის ლივერპულში გაიზარდა, ბავშვობაში რამდენიმე წელი ოჯახთან ერთად ავსტრალიაში იცხოვრა, რის შემდეგაც ისევ ლივერპულს დაუბრუნდა. იყო შავი მუშა, ბარმენი, ოფიციანტი, მძარცველი, ხისმჭრელი და ა.შ. გასული საუკუნის მიწურულს უელსის ქალაქ აბერისთუითში დასახლდა და იქაურ უნივერსიტეტში დაიწყო სწავლა, მაგრამ მალე გადაიფიქრა და წერას მიჰყო ხელი. დღეს ის ცხრა რომანის, არაერთი მოთხრობისა და სტატიის ავტორია.
რომანი „ტაკვი“ (Stump), რომლის ქართულ გამოცემასაც გთავაზობთ, 2004 წელს დაჯილდოვდა უელსის წლის საუკეთესო წიგნის პრემიით (Wales Book of the Year). სულ ახლახან, 2020 წელს, ამავე ჯილდოთი აღინიშნა მისი ახალი წიგნიც „გულგატეხილი მოჩვენება“ (Broken Ghost).
თურქული წარმომავლობის ამერიკელი მწერლის, ასლი სანჯარის “ჰარამხანაში” აღწერილია ამბავი ჩრდილო კავკასიიდან მოტაცებული და სტამბოლში ტყვედ გაყიდული ჩერქეზი გოგონასი, რომელიც სულთნის ჰარამხანაში ხვდება.
წიგნში ცოცხალი ფერებით, ძალდაუტანებლად, რეალისტურად არის გადმოცემული ოსმალო ქალების, აგრეთვე ოსმალეთში ტყვედ გაყიდული და სულთნის ჰარამხანაში მოხვედრილი ჩერქეზი, ქართველი თუ სხვა ეროვნების ქალთა ცხოვრება; მათი ადგილი ოსმალური ტრადიციების, სასახლის კულტურის, ჰარამხანის წეს-ჩვეულებების ფონზე.
ეს წიგნი გზადაგზა, ავტობუსსა თუ ელექტრომატარებელში ნაფიქრი და ნააზრევია. ეს არის სამახსოვრო ჩანაწერები ოცნებებზე, იმედებზე და მოგონებებზე: დედის ხელებზე და პირველ კოცნაზე, ახლობელ ადამიანებზე და ხანმოკლე შეხვედრებზე, დანაკარგზე და იმ ბედნიერებაზე, როცა შენი ესმით. იმაზე, რაც ყველას აღელვებს. ნათელი და ცოტათი ნაღვლიანი. ის, პირველ ყოვლისა, ცხოვრებაზეა.
XIX საუკუნეში დახვეწილი პიემონტელი მღვდელი დონ ტომაზო ბარბიზიო შერისხეს და იტალიის შვეიცარიის მიყრუებული ხეობის ერთ სოფელში გაამწესეს, სადაც მან მსახურად აიყვანა ასაკოვანი ქვრივი ანა მარია, რომელიც ბავშვთან ერთად მარტო ცხოვრობდა და რომლის საოცარი წარსულიც დონ ტომაზომ თანდათანობით შეიტყო. თუ დონ ტომაზო გამოგონილი გმირია, ანა მარია და მისი ქმარი, რომლის უკეთურობასაც თაობიდან თაობას გადასცემდნენ, ნამდვილად არსებობდნენ.
რომანში მოქმედება სამ სხვადასხვა ადგილას ვითარდება, მოქმედი პირები ყველგან სხვადასხვაა, თუმცა, როგორც ირკვევა, ისინი ერთმანეთთან არიან დაკავშირებული…
1947 წლის ჰამბურგი. გაუსაძლისი სიცივე, სურსათის დეფიციტი. ადამიანები იყინებიან. აგნეს დიცი დაბომბილი სახლის ოთახში ურთულეს პირობებში ცდილობს შვილებთან ჰანოსთან და ვიბკესთან ერთად თავის გადარჩენას. თხუთმეტი წლის ჰანო ნანგრევებში ეძებს ყველაფერს, რისი გამოყენებაც შესაძლებელია. შემდეგ მათ შავ ბაზარზე სურსათში ცვლის. ერთ დღეს დაბომბილ სარდაფში ქალის ცხედარს ნახულობს, იქიდან ამოსული კი თავისი დის გვერდით პატარა უცნობ ბიჭს, რომელიც სრულიად მარტოა და არ ლაპარაკობს. და-ძმას ბიჭი სახლში მიჰყავს და დედასაც არწმუნებს, რომ ბავშვი დაიტოვონ. ბიჭი წლების შემდეგ იგებს, რომ აყვანილია და ცდილობს მისი წარმომავლობის შესახებ ცნობების მოძიებას…
