5.00 ₾
ეს წიგნი გზადაგზა, ავტობუსსა თუ ელექტრომატარებელში ნაფიქრი და ნააზრევია. ეს არის სამახსოვრო ჩანაწერები ოცნებებზე, იმედებზე და მოგონებებზე: დედის ხელებზე და პირველ კოცნაზე, ახლობელ ადამიანებზე და ხანმოკლე შეხვედრებზე, დანაკარგზე და იმ ბედნიერებაზე, როცა შენი ესმით. იმაზე, რაც ყველას აღელვებს. ნათელი და ცოტათი ნაღვლიანი. ის, პირველ ყოვლისა, ცხოვრებაზეა.
არ არის მარაგში
| ავტორი | |
|---|---|
| თარგმანი | |
| ენა | |
| ფორმატი | |
| გვერდები | 126 |
| ISBN | 978 9941 9625 6 1 |
თურქული წარმომავლობის ამერიკელი მწერლის, ასლი სანჯარის “ჰარამხანაში” აღწერილია ამბავი ჩრდილო კავკასიიდან მოტაცებული და სტამბოლში ტყვედ გაყიდული ჩერქეზი გოგონასი, რომელიც სულთნის ჰარამხანაში ხვდება.
წიგნში ცოცხალი ფერებით, ძალდაუტანებლად, რეალისტურად არის გადმოცემული ოსმალო ქალების, აგრეთვე ოსმალეთში ტყვედ გაყიდული და სულთნის ჰარამხანაში მოხვედრილი ჩერქეზი, ქართველი თუ სხვა ეროვნების ქალთა ცხოვრება; მათი ადგილი ოსმალური ტრადიციების, სასახლის კულტურის, ჰარამხანის წეს-ჩვეულებების ფონზე.
სიმონე ლაპერტი დაიბადა 1985 წელს აარაუში, შვეიცარიაში. სწავლობდა ბილის შვეიცარიული ლიტერატურის ინსტიტუტში. ცხოვრობს და მოღვაწეობს ციურიხში. მისი რომანი „ნახტომი“ 2019 წელს დაიბეჭდა და წარდგენილი იყო შვეიცარიული წიგნის პრემიაზე.
სიმონე ლაპერტი რომანში „ნახტომი“ ემოციურად და იუმორით გვიყვება გერმანიის პატარა ქალაქში მცხოვრები ადამიანების ხან მხიარულ და ხან სევდიან ისტორიებს, მათი შინაგანი სამყაროსა და გრძნობების შესახებ.
ქალაქში სამშაბათის დილაა. მებაღის ტანსაცმელში გამოწყობილი ახალგაზრდა ქალი, მანუ, სახლის სახურავზე დგას და ქვემოთ იყურება, ყვირის, სამუშაო იარაღებსა და კრამიტებს ისვრის ქუჩაში. მობილიზებულია პოლიცია, სახანძრო, პრესა. მოედანზე შეკრებილი უამრავი ცნობისმოყვარე ადამიანი მოვლენების განვითარებას ადევნებს თვალს. ნეტავ რაშია საქმე? გადმოხტება ქალი?
ნაიელ გრიფიტსი (დაიბადა 1966 წელს) – უელსელი მწერალი. ის ლივერპულში გაიზარდა, ბავშვობაში რამდენიმე წელი ოჯახთან ერთად ავსტრალიაში იცხოვრა, რის შემდეგაც ისევ ლივერპულს დაუბრუნდა. იყო შავი მუშა, ბარმენი, ოფიციანტი, მძარცველი, ხისმჭრელი და ა.შ. გასული საუკუნის მიწურულს უელსის ქალაქ აბერისთუითში დასახლდა და იქაურ უნივერსიტეტში დაიწყო სწავლა, მაგრამ მალე გადაიფიქრა და წერას მიჰყო ხელი. დღეს ის ცხრა რომანის, არაერთი მოთხრობისა და სტატიის ავტორია.
რომანი „ტაკვი“ (Stump), რომლის ქართულ გამოცემასაც გთავაზობთ, 2004 წელს დაჯილდოვდა უელსის წლის საუკეთესო წიგნის პრემიით (Wales Book of the Year). სულ ახლახან, 2020 წელს, ამავე ჯილდოთი აღინიშნა მისი ახალი წიგნიც „გულგატეხილი მოჩვენება“ (Broken Ghost).
მონიკა ყოლბაია დაიბადა 1993 წლის 29 დეკემბერს ზუგდიდში. ცხოვრობდა აფხაზეთში, დაამთავრა ჭუბურხინჯის მეორე საშუალო სკოლა. 2011 წელს ჩაირიცხა „კავკასიის საერთაშორისო უნივერსიტეტში“. პროფესიით ჟურნალისტია. ამჟამად ცხოვრობს გერმანიაში. „ავადმყოფი კენგურუ“ მისი პირველი ნაწარმოებია.
„საგალობელნი სიყვარულისა“ უთუოდ გამორჩეული რომანია ფრანგი მწერლისა და მსახიობის, ანა ვიაზემსკის შემოქმედებაში. ნაწარმოებმა გამოქვეყნებისთანავე მიიპყრო კრიტიკოსების ყურადღება და რამდენიმე პრესტიჟული ლიტერატურული ჯილდოც დაიმსახურა. გამოცემისთანავე აღიარეს შედევრად. ფრანგმა რეჟისორმა, ჟან-პოლ სივეირაკმა, წიგნის მიხედვით გადაიღო ფილმი, რომელსაც ჟან ვიგოს სახელობის პრემია გადაეცა.
ალბათ, ესაა რომანი, ყველაზე კარგად რომ დაგვანახებს მწერლის შინაგან სამყაროს და ნათელს მოჰფენს მის ცხოვრებას. რომანს უწყვეტ რეფრენად გასდევს ცნობილი ფრანგი მომღერლის, ედით პიაფის ლეგენდარული სიმღერა, „საგალობელი სიყვარულისა“. პიაფმა, ამ გოგონა-ბეღურამ, ერთი საგალობელი უძღვნა ამ დიად გრძნობას, ანა ვიაზემსკიმ და მისმა მშობლებმა – მრავალი. ამიტომაც უწოდა „საგალობელნი“.
„ვეფხისტყაოსანი” ქართველი ერისთვის წიგნთა წიგნია. ოკეანესავით არის, სიღრმეს ვერ პოულობ, მაგრამ საოცარ სიბრძნეს იძენ. მთავარია წაიკითხო. შევეცადეთ სკოლის ასაკის ბავშვებისთვის მარტივად მიგვეწოდებინა წიგნის ფაბულა, რომ შემდგომში ორიგინალითაც დაინტერესდნენ. მოკლედ, ეს წიგნი არის მათთვის, ვისაც უნდა „ვეფხისტყაოსანი” ისწავლოს ან ასწავლოს.
რომანის სიუჟეტი II მსოფლიო ომისდროინდელ საქართველოში, ახალციხეში ვითარდება, სადაც განსხვავებული ეთნიკური წარმომავლობის ადამიანები – სომხები, ებრაელები, ქართველები და თურქები ცხოვრობდნენ. პატარა ომერისა და ნიკას მეგობრობის ფონზე განვითარებული მოვლენები ერთ ღამეში ასი ათასზე მეტი ადამიანის მამაპაპეული საცხოვრებლებიდან აყრასა და სატვირთო მატარებლებით შუა აზიაში ტრაგიკულ გადასახლებას აღწერს, რამაც ბიჭების მეგობრობა იძულებით გაწყვიტა. ორმოცდღიანმა არაადამიანურმა მოგზაურობამ ოცდაათი ათასი ადამიანის სიცოცხლე შეიწირა: ზოგი – შიმშილმა, ზოგი – სიცივემ, ზოგი კი ავადმყოფობამ იმსხვერპლა.
რომანი მეგობრობის, ომისა და გადასახლების გარდა, ადამიანების იდეალებისა მსხვრევასა და მათთან ანგარიშსწორებაზე მოგვითხრობს – იდეალების, რომელთაც სიცოცხლე მიუძღვნეს. ავტორი ხატოვნად აღწერს ასევე მითოლოგიური კაფის მთას, ბოლშევიკური რევოლუციის აკვანს, პეტროგრადს, სვანეთს, მხოლოდ კავკასიის რეგიონისათვის დამახასიათებელ ფერადოვან, ზღაპრულ ცხოვრებასა და ტრაგიკულ სიყვარულს.
