ბინადრობის ნებართვა

ავტობიოგრაფიულ რომანში „ბინადრობის ნებართვა“ მოქმედება 70-იანი წლების ჟენევაში ხდება. მთავარი გმირი, 12 წლის ანდრე, სიცილიელი იმიგრანტის შვილია. შვეიცარიაში გადასახლებული იტალიელი ბავშვისთვის ინტეგრაცია ძნელი აღმოჩნდა. შეძლებს კი მარტოსული მოზარდი, გააგებინოს მშობლებს თავისი პრობლემები, მოიპოვოს მეგობრები?

შვეიცარიელი მწერალი ჯოზეფ ინკარდონა დაიბადა 1969 წელს, ლოზანაში, იტალიელი ემიგრანტის ოჯახში. შეისწავლა პოლიტოლოგია, მაგრამ ჟურნალისტობა ამჯობინა.  2000 წელს პარიზში გადავიდა საცხოვრებლად და ორ წელიწადში გამოაქვეყნა თავისი პირველი რომანი. 2008 წლიდან იგი ჟენევაში ცხოვრობს.

მწერალი 15 კრიმინალური რომანის და არაერთი სცენარის ავტორია.  მისმა რომანმა Lonely Betty  ფრანგული კრიმინალური რომანის გრან პრი მოიპოვა (2011);  რომანი „პანოებს მიღმა ადამიანები არიან“ დეტექტიური რომანის გრან პრით დაჯილდოვდა (2015); მისი რეჟისორობით გადაღებულმა ფილმმა „ირმის ნახტომი“ დეტექტიური ფილმების ფესტივალზე მაყურებლის პრიზი მოიპოვა (2014).

ქართველი მკითხველი პირველად გაეცნობა ამ ავტორის რომანს.