ნახტომი

12,00 

კატეგორია: წიგნის კოდი: 1992

აღწერა

სიმონე ლაპერტი დაიბადა 1985 წელს აარაუში, შვეიცარიაში. სწავლობდა ბილის შვეიცარიული ლიტერატურის ინსტიტუტში. ცხოვრობს და მოღვაწეობს ციურიხში. მისი რომანი „ნახტომი“ 2019 წელს დაიბეჭდა და წარდგენილი იყო შვეიცარიული წიგნის პრემიაზე.

სიმონე ლაპერტი რომანში „ნახტომი“ ემოციურად და იუმორით გვიყვება გერმანიის პატარა ქალაქში მცხოვრები ადამიანების ხან მხიარულ და ხან სევდიან ისტორიებს, მათი შინაგანი სამყაროსა და გრძნობების შესახებ.

ქალაქში სამშაბათის დილაა. მებაღის ტანსაცმელში გამოწყობილი ახალგაზრდა ქალი, მანუ, სახლის სახურავზე დგას და ქვემოთ იყურება, ყვირის, სამუშაო იარაღებსა და კრამიტებს ისვრის ქუჩაში. მობილიზებულია პოლიცია, სახანძრო, პრესა. მოედანზე შეკრებილი უამრავი ცნობისმოყვარე ადამიანი მოვლენების განვითარებას ადევნებს თვალს. ნეტავ რაშია საქმე? გადმოხტება ქალი?

24 საათის განმავლობაში ქალაქის თითქმის მთელი მოსახლეობა სუნთქვაშეკრულია. ველოკურიერი, ფინი, მანუს შეყვარებულია და მისთვის დრო ჩერდება, ისევე, როგორც მანუს დისთვის, ასტრიდისთვის, რომელიც საარჩევნო კამპანიითაა დაკავებული; პოლიციელი ფელიქსი მანუს სახურავიდან ჩამოყვანას ცდილობს; ახალგაზრდა მკერავი ქალი, მარენი, თავის ბინაში ვერ შედის; ტერეზისა და ვერნერის მაღაზიაში კლიენტების მოზღვავებაა… რომანში მოთხრობილია ისტორიები ადამიანებზე, რომლებიც მანუსთან სხვადასხვაგვარად არიან დაკავშირებულნი, და ამ ინციდენტის შემდეგ მათ ცხოვრებაში გარკვეული ცვლილებები ხდება.

დამატებითი ინფორმაცია

ავტორი

სიმონე ლაპერტი

ზომა

148×210

გვერდები

289

გერმანულიდან თარგმნა

ნათია დათუაშვილმა

გარეკანი:

რბილი

გამოცემის წელი:

2021

ISBN:

978-9941-9722-4-9

ტელეფონი: +995 322 34 04 30
Fax: pressacademic@gmail.com
Address: 181/2 Aghmashenebeli ave.
Georgia, Tbilisi