ცუდი მშობლების შესახებ

შვეიცარიელი ავტორი ტომ კუმერი დაიბადა 1961 წელს ბერნში. 1985 წლიდან მუშაობდა ჟურნალისტად. 1993 წლიდან ლოს-ანჟელესში დაიწყო თანამშრომლობა ცნობილ გაზეთებთან _ `შüდდე¬უ¬ტსცჰე ძეიტუნგ~ და `ძüრცჰერ თაგესანზეიგერ~. 2000 წელს მისმა ფიქტიურმა ინტერვიუებმა ჰოლივუდის ვარს-კვლავებთან მასმედიაში დიდი სკანდალი გამოიწვია. ლოს-ანჟელესში მრავალწლიანი ცხოვრების შემდეგ შვეიცარიაში დაბრუნდა და დღეს ბერნში ცხოვრობს. გამოქვეყნებული აქვს რამდენიმე რომანი. მისი ახა-ლი რომანი _ `ცუდი მშობლების შესახებ~ _ 2020 წელს გამოვიდა და იმავე წელს ნომი¬ნირებული იყო შვეიცარიული წიგნის პრემიაზე.

რომანის მთავარი გმირი, ტომი, უმცროს ვაჟთან ერთად ლოს-ანჟელესიდან სამ¬შობლოში, შვეიცარიაში ბრუნდება. მას ცოლი გარდაეცვალა, ხოლო უფროსი ვაჟი ამერიკაში დარჩა. ტომი მძღოლად იწყებს მუშაობას და VIP-კლიენტებს, მათ შორის, დიპლომატებს, ფარმაცევტული კომპანიების მაღალი რანგის წარმომადგენლებს ემსახურება, აეროპორტში ხვდება და ციურიხში ან ბერნში მიჰყავს. ძირითადად ღამით მგზავ¬რობს, მგზავრებთან საინტერესო დიალოგები აქვს, შვეიცარიის ნაცნობ ადგი¬ლებში მგზავრობისას ავტორი იხსენებს ბავშვობას, მშობლებს, მათ ისტორიებს და, რაც მთავარია, მეუღლეს, ნინას, რომლის დაკარგვას ძა¬ლიან განიცდის და რომელიც მგზავრობის დროს მის აზრებში და თითქოს რეალურადაც მასთანაა, ეჩურჩულება და თავისკენ ექაჩება. სამსახურიდან დაბრუნებული, დილა¬ობით მძინარე შვილს ესიყვარულება, აღვიძებს, სკოლაში წასასვლელად ამზადებს, ცდილობს ისწავლოს ცოლის გარეშე ცხოვრება და შვილებთან ერთად ახალი ცხოვრება დაიწყოს.